Ene, mene – eins, zwei, drei,
die fünft Joahreszeit is widder dabei!
Ehr Leit, passt uff, halten eich bereit,
die Kerzrumer-Echse-Hexe ziehn dorch de Ort – des kracht un scheppert weit und breit! Ihr Leid vum Handwerk un vum Geschäft, macht eure Dere uff, seid so nett!
Mer guggen bei eich nei, des is doch klar, die Narrezeit is do – so wie jedes Johr!
Desmol wollen meer die Jugend zwischen 11 und 16 Johr beglicke.
Drum ehr Bube un Määd von Kerzrum saan uns bitte, was eich det verzücke!
Fer de Hunger henn mer vorgesorgt:
Grumbeersupp – mit Werschd oder ohne, dezu gebts diesmol Dampnudle
Un fer de Derschd, des is jo bekannt, gibt’s a was Gudes, und zwar allerhand!
Wann: 12. Februar 2026, ab halb zwölf
Wo: Am Römer, in Zentrum von Kerzrum
Kummt vorbei, macht mit, seid einfach do, mer feiern zamme – laut, bunt un froh! Mer frehn uns nerrisch uff eich all, beim Hexeritt in Kerzrum, iwerall!
Die
Kerzrumer-Echse-Hexe
