Ehr liewe Leid, lossen eich sah, in Rosedhal werd die Kerb widder ausm Grab getrah.
Des Johr werds rischdisch famos, do geht die Kerb schun freidags los. Um 19 Uhr fange mer am Treff zu buddle ah, denno werd im Zelt was fer die Stimmung gedah. De DJ Henri leht ab 21 Uhr im Zelt mäschdisch uff und mer machen zamme im 90er-Style enner druff. Fers leibliche Wohl is beschdens gesorgt, mer hänn freidags owends massisch
vor Ort.
Samschdags is es Esse fer eich gerischd, Gyros un Tzatziki werd middags fer eich uffgedischt. En Ouzo gebts zum Esse ach, do geht eich de Tzatziki-Geruch net so nach. Dodennoh können ehr eich beim Flunky-Ball-Turnier beweise, ehr missen bloß de Ball rischdisch schmeiße, um abzusahne schäne Preise. Owends derf kenner mehr uff de Bänk hocke, mer dun ab 20 Uhr mim Kalli Koppold es Zelt rocke.
Am Sunndag fangt um 14 Uhr de Umzug ah, do werd widder rischdisch uffgetrah. Nochm Umzug hern mer wie immer die Kerweredd un de Kuche bei de Feierwehr macht des Ganze komplett. De Owend losse mer gemietlisch ausklinge, kummen vorbei und lossen die Hüfte schwinge!
Mondags du mer uns nur noch um 19 Uhr im Treff treffe und zamme esse. Denno du mer die Kerb durch de Ort trage un später begrabe.
Namen der Kerweborsch:
Von links nach rechts: Jan Osterheld, Hannah Hebich, Lars Osterheld, Julia Mieger, Franziska Eisen, Markus Scholz, Marcel Werle, Marie-Sophie Djuric, Cara Vorbeck, Milena Djuric, Lara Kosolowski Es fehlen: Pasqual Adler, Luca Würtz
